ಮೈಸೂರು: ಎಸ್‌ಡಿಪಿಐಯಿಂದ ಗಣರಾಜ್ಯೋತ್ಸವ

ಮೈಸೂರು: ಸೋಶಿಯಲ್ ಡೆಮಾಕ್ರಟಿಕ್ ಪಾರ್ಟಿ ಆಫ್ ಇಂಡಿಯಾ, ಮೈಸೂರು ಜಿಲ್ಲಾ ವತಿಯಿಂದ ಜನವರಿ 26ರಂದು ಜಿಲ್ಲಾ ಕಚೇರಿಯಲ್ಲಿ ಗಣರಾಜ್ಯೋತ್ಸವ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿತ್ತು.

ಜಿಲ್ಲಾಧ್ಯಕ್ಷ ಮುಹಮ್ಮದ್ ಫೈಝಲ್ ಧ್ವಜಾರೋಹಣ ಮಾಡಿದರು. ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಜಾಫರ್, ಉಪಾಧ್ಯಕ್ಷ ಪಿ.ಎಂ.ಹುಸೈನ್, ಕಾರ್ಯದರ್ಶಿ ಮತೀನ್, ಅಫ್ಝಲ್, ಫಾತಿಮಾ ಬೀ, ಅಕ್ರಮ್ ಶರೀಫ್, ನರಸಿಂಹರಾಜ ಅಸೆಂಬ್ಲಿ ಅಧ್ಯಕ್ಷ ಸೈಫುಲ್ಲಾ, ಚಾಮರಾಜ ಅಸೆಂಬ್ಲಿ ಅಧ್ಯಕ್ಷ ತಬ್ರೇಝ್ ಸೇಠ್ ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು.